Xa dende moi antiguo funcionou este local coma unha panadería ultramarinos que abríu Ismael Domínguez. Estivo surtindo desta marabillosa elaboración panadeira artesanal durante moitos anos ao pobo de Bandeira e a os seus arredores, incluida a gran cantidade de xente que se desprazaba ata a feira de Bandeira os 14 e 29 de cada mes.

O despacho de pan e demais alimentos é o que agora é a entrada e parte principal da vinoteca Cadeira. Alí estaba un amplo mostrador e na dereita estaba a venda de pan e a ezquerda despachábanse o resto de alimentos

Ao forno accedíase polo exterior, por unha porta que comunicaba (o que agora son os aseos) ca parte de atrás, un patio que daba acceso ao obradoiro de panadería no que estaba a trampilla pola que se metía o pan no forno.

Nas reformas efectuadas neste local xa como Vinoteca Cadeira fíxose un acceso na parte dereita do local abrindo unha porta directamente ao interior do forno (pódese ver a trampilla pola que se introducía o pan ao interior do forno), onde se dispón unha mesa circular e unhas sillas na que se pode disfrutar duns bos caldos e unha ampla variedade de manxares gastronómicos nun espazo incomparable, nada menos que dentro dun forno panadeiro tradicional